Haustmót grunn- og framhaldshópa Gerplu 2016

Það var líf og fjör í Gerplu um helgina þegar haustmót grunn- og framhaldsdeildar fór fram í húsakynnum Gerplu.  Allir grunn- og framhaldshópar félagsins eða rúmlega 500 börn tóku þátt í mótinu. Mótið fór vel fram, allar tímasetningar stóðust og voru margir sem lögðu leið sína í Gerplu til að líta upprennandi fimleikasnillinga augum.  Börnin stóðu sig öll með stakri prýði og er framtíðin björt í Gerplu.  Starfsfólk, þjálfarar, iðkendur og sjálfboðaliðar lögðu sitt af mörkum til að mótið yrði að veruleika og kunnum við þeim þakkir fyrir vel unnin störf.  Til hamingju með mótið!