Atlas og Gerpla

Íþróttafélagið Gerpla hefur gert samstarfssamning við Atlas Endurhæfingu um  greiningu, meðhöndlun og endurhæfingu íþróttamanna hjá félaginu. Það þýðir að iðkendur Gerplu geta komist að hjá Atlas eins fljótt og auðið er til að fá greiningu og meðhöndlun.

Atlas Endurhæfing hóf starfsemi sína árið 2008 og hefur verið í góðu samstarfi og verkefnum fyrir íþróttahreyfinguna (landslið og félagslið).  Hjá Atlas Endurhæfingu starfa  11 sjúkraþjálfarar sem flestir hafa  sérhæfingu á ákveðnu sviði innan sjúkraþjálfunar (masters gráðu) sem tryggir bestu mögulegu þjónustu fyrir skjólstæðinga Gerplu á öllum aldri. Atlas endurhæfing hefur sérhæft sig í íþrótta- og verkjaendurhæfingu og bíður upp á heildræna endurhæfingu  fyrir þá sem eiga við stoðkerfis- eða vefjavandamál að stríða.

Starfsemi Atlas er staðsett við Engjaveg 6 í Íþróttamiðstöðinni Laugardal (við hliðina á Laugardalshöllinni). Afgreiðsla Atlas er opin mánudaga til fimmtudaga frá kl: 8.00 – 17.00 og föstudaga kl: 8.00 – 16.00. Tímapantanir  eru í síma 552 – 6600 eða á afgreidsla@atlasendurhaefing.is .

Heimasíða; http://www.atlasendurhaefing.is