Fimleikahringurinn
Í kvöld verður sýnd heimildarmynd um fimleikahringinn á RUV klukkan 20:00.
![](https://www.gerpla.is/wp-content/uploads/2021/06/img-2928-1024x576.jpg)
Myndin fjallar um karlalandslið Íslands í hópfimleikum sem fór í 10 daga sýningarferð í kringum Ísland, hélt fimleikasýningar hér og þar, og stóðu fyrir námskeiðum fyrir börn á öllum aldri á mismunandi stöðum á landinum.
Markmiðið með verkefninu var að hvetja til heilsueflingar ungmenna í landinu ásamt því að hvetja fleiri stráka til að koma í fimleika og vera með í þessum frábæra félagsskap.
Í myndinni má sjá flottar fyrirmyndir úr Gerplu. Við hvetjum alla til að stilla á RUV og horfa á þessa flottu mynd og hrífast af þessu frábæra framtaki.
Áfram Íslenskir fimleikar!